Obama: Investoni për të nxitur ekonominë

9:45 / 13.02.2013

Presidenti amerikan Barack Obama pritet të përqëndrohet tek ekonomia e brishtë dhe krijimi i vendeve të punës në fjalimin e tij të përvitshëm mbi gjendjen e vendit që do të mbajë sonte para një sesioni të përbashkët të të dyja dhomave të Kongresit.

Këshilltarë të lartë të administratës thanë se Obama do t’u bëjë thirrje ligjvënësve të investojnë në një numër projektesh për të nxitur ekonominë, përfshirë infrastrukturën, kërkimet dhe arsimin.

Presidenti pritet gjithashtu të lidh ekonominë me problemin e ndryshimeve klimatike duke bërë thirrje për të shtuar projektet për energji të pastër.

Për Afganistanin, presidenti pritet të njoftojë se gati gjysma e forcave amerikane që shërbejnë tani atje – gati 34 mijë trupa do të kthehen në atdhe brenda një viti.

Në kulmin e luftës së gjatë prej një dekade në atë vend, Shtetet e Bashkuara kishin gati 100 mijë trupa në Afganistan.

Transferimi i plotë i kontrollit të sigurisë nga Natoja tek forcat afgane është planifikuar për në vitin 2014.

Presidenti Obama do t’u bëjë thirrje ligjvënësve të miratojnë ligje mbi dy çështje që po debatohen në Kongres: kontrollin e armëve dhe reformën e imigracionit. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.