Obama paralajmëron lëkundjen e ekonomisë amerikane
Presidenti i Shteteve të Bashkuara të Amerikës (SHBA), Barak Obama, paralajmëroi se ekonomia amerikane do të përballet me “lëkundje” të vazhdueshme në muajt e ardhshëm për shkak të krizës së borxheve në Evropë. Por, Obama parashikoi se liderët evropianë nuk do ta lënë eurozonën apo monedhën e tyre që të “shpërbëhet”.
Duke folur në një mbledhje fondesh për fushatën e tij, të hënën në mbrëmje në New Jork, Obama tha se ai po kalon "një kohë të madhe duke u përpjekur që të punojë" me udhëheqësit evropianë për krizën.
Ai tha se "se sa më shpejt që të ndërmarrim veprime vendimtare, aq më mirë" do të jetë edhe për ekonominë amerikane. /Telegrafi/
