OEK-u dhe Ministria e Financave avancojnë bashkëpunimin

Kryetari i OEK-ut Safet Gërxhaliu tha se Oda Ekonomike e Kosovës, përkrahë gatishmërinë e Ministrisë së Financave për disa nga zgjidhjet e ofruara ligjore të ofruara në këtë Draft propozim, për lirimin e taksës doganore për mallrat të cilat shërbejnë si lëndë e parë, gjysmë produkte, ambalazhe dhe makina për prodhim.

“Oda Ekonomike e Kosovës, konsideron se për arritjen e objektivave të proklamuara strategjike për krijimin e një ambienti të favorshëm dhe konkurrent të bizneseve, dhe për një zhvillim të qëndrueshëm ekonomik, krahas ndryshimeve të propozuara nga Ministria, në projektligj duhet të përfshihen edhe propozimet e bizneseve nga sektori privat”, tha Gërxhaliu.

Ai theksoise disa nga propozimet e anëtarëve dhe shoqata, janë identifikuar rreth 171 mallra të kodifikuara (kode tarifore) nga 40 kapituj të kodit tarifor të cilat propozohen të lirohen nga taksa doganore. Pothuajse të gjitha këto propozime, vijnë nga sektori prodhues, dhe kanë të bëjnë me mallrat që shërbejnë si lëndë e parë e pa përpunuar, gjysmë e përpunuar, lëndë ambalazhuese, makineri, e shumë pak si produkte të gatshme.

Kërkesat e propozuara të biznesit janë plotësisht të arsyeshme dhe të analizuara dhe argumentuara mirë.

Gjithashtu Kryetari i OEK,-ut Gërxhaliu i ofroj Ministrisë së Financave gatishmërinë e stafit të OEK-ut dhe bizneseve të cilat kanë parashtruar propozimet, se do të jenë të gatshëm në çdo kohë për të dhënë çdo sqarim shtesë lidhur me arsyetimin e propozimeve edhe takime direkte.

Kurse, Menderes Ibra nga Ministria e Financave, kërkoj dhe mirëkuptimin e bizneseve për gjendjen aktuale ekonomike në të cilën ndodhet vendi, dhe inkurajojë ato që Ministria në fjalë do të angazhohet që në proces ti përmbush propozimet dhe pritjet e bizneseve. /Telegrafi/