Pa infrastrukturë energjetike, harroni investimet
Bashkëpunimin me Serbinë thotë se do ta ndërpret atë moment kur e sheh interesin e importit nga shtetet e tjera dhe këmbëngul që është aksionari i vetëm i Elkos Group. Kështu është shprehur biznesmeni , Ramiz Kelmendi në një intervistë për Kosovapress.Ai ka thënë se në vitin që po hyjnë do të investojë 30 milionë euro dhe do të punësojë mbi 700 persona, në Kosovë, Shqipëri, Maqedoni dhe Mal të Zi.
Kelmendi thotë se pa e ndërtuar infrastrukturën energjetike në Kosovë, nuk mund të ketë as investime të brendshme e le më nga jashtë.
Duke shpjeguar se në vitin 2013 do të hap dy qendra të reja tregtare në Prishtinë, një qendër të grumbullimit të prodhimeve bujqësore në Rahovec, një qendër tjetër tregtare në Maqedoni, një në Shqipëri si dhe një në Mal të Zi, ai ka shpjeguar se vendet e punës i krijon biznesi, dhe se këtë sipas tij duhet ta kuptojë një herë e përgjithmonë klasa politike. /Telegrafi/
