Prioritet, autostrada Prishtinë - Shkup
Qeveria e Kosovës po këmbëngul në realizimin e Autostradës Prishtinë- Shkup. Ministri i Financave, Bedri Hamza, ka thënë se realizimi i këtij projekti është prioritet për Qeverinë e Kosovës.“Qëllimi i FMN-së nuk është të pengojë prioritetet e Qeverisë së Kosovës. Kemi biseduar për nivelin e investimeve kapitale, duke përfshirë edhe strukturën edhe shpenzimet tjera operative, e një prej projekteve është edhe ai i autostradës Prishtinë- Shkup”, ka thënë Hamza.
Sipas tij tanimë ka nisur përgatitja e procedurave për këtë projekt. “Ne do ta vendosim këtë projekt brenda kornizës buxhetore - Kornizës afatmesme të shpenzimeve në një kuadër të qëndrueshëm fiskal”, ka thënë Hamza. /Telegrafi/
