Qeveria plotëson kriterin kryesor për nisjen e “Rrugës 6”

10:25 / 16.01.2013

Qeveria beson të ketë plotësuar njërin prej kushteve të përcaktuara nga Fondi Monetar Ndërkombëtar për të marrë dritën e gjelbër për ndërtimin e autostradës Prishtinë-Han i Elezit, që ndryshe njihet si “Rruga 6”.

Ministri i deritashëm i Financave, Bedri Hamza, në ditën e largimit të tij nga posti ka bërë të ditur se fondi i rezervës shtetërore është mbi 300 milionë euro. Ky fond ka qenë njëri ndër kushtet, të cilat FMN-ja ia pati kërkuar Qeverisë së Kosovës në mënyrë që të sigurohet qëndrueshmëria buxhetore pas inicimit të punëve në autostradën e dytë të vendit.

“Viti 2012 është përmbyllur me bilanc bankar mbi 300 milionë euro, që është më shumë sesa pritjet reale”, ka thënë të martën ministri i dorëhequr i Financave, Bedri Hamza, shkruan Koha Ditore.

Me kërkesë të FMN-së, ekzekutivi pati përfshirë një nen të veçantë në buxhetin e vitit 2013, në të cilin parashihen kriteret e pranueshme për fillimin e autostradës Prishtinë-Han i Elezit. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.