Rompuy: BE-ja ka shënuar përparim

8:36 / 14.12.2012

Udhëheqësit e Bashkimit Evropian kanë përfunduar samitin dyditor në orët e hershme të mëngjesit, duke thënë se kanë bërë progres në përmirësimin e financave dhe të bankave.

Liderët e 27 vendeve anëtare kanë rënë dakord që Banka Qendrore Evropiane të jetë mbikëqyrëse e bankave të Eurozonës.

Presidenti i Këshillit Evropian, Herman Van Rompuy, e ka cilësuar Mekanizmin e Vetëm Mbikëqyrës si “hap përpara”.

“Krijimi i mekanizmit të Vetëm Mbikëqyrës shënon hap përpara. Ai do të forcojë sektorin tonë financiar, duke thyer rrethin vicioz ndërmjet sovranëve dhe bankave. Ai do të ndihmojë në sigurimin e stabilitetit dhe përmirësimin e kushteve të kreditimit të dyja këto jetike për rritjen ekonomike dhe punësimin në Eurozonë dhe më gjerë”, ka thënë Rompuy.

Udhëheqësit e BE-së kanë rënë dakord edhe për këstin e ri të ndihmës për Greqinë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.