Rregullat e Eurozonës kufizojnë ndihmën e FMN-së
Fondi Monetar Ndërkombëtar (FMN), pranoi se përballët me sfida të vështira në detyrën për të disenjuar paketa të ndihmës për vendet me probleme të financimit në Eurozonë, pasi është e ndaluar nga rregullat që ka blloku me 17 anëtarë. Më herët shumë analistë dhe anëtarë të FMN-së kanë shprehur kritika se ky kreditor ka vendosur kushte shumë të rënda në programet e ndihmës financiare për Greqinë Irlandën dhe Portugalinë.Në përgjigje të këtyre kritikave një vlerësim paraprak i kryer thuhet se fondi ka qenë i detyruar të vendosë kushte më të rënda në eurozonë krahasuar me vendet e tjera ku ka marrë pjesë me programe të ndihmës financiare.
Në raport thuhet se fondi ka qenë i detyruar të vendosë kushte më të rënda për këto vende si pasojë e riskut të sistemit në rajon dhe këtu përmendet kontaminimi i vendeve të eurozonës nga kriza që nisi në Greqi.
Megjithatë një nga hartuesit kryesorë të raportit deklaroi se fondi duhet të prodhojë instrumente më të mira për tu përdorur në kushtet kur ka risqe të kontaminimit. Kushtet e kreditimit nga fondi monetar ndërkombëtar historikisht kanë qenë një motiv përplasje dhe pakënaqësish nga qeveritë që i kanë marrë ato. Kushtet e kreditimit që ka përdorur fondi në disa raste kanë shkaktuar protesta. /Telegrafi/
