Rrezikohet tregu i derivateve në Kosovë
Institucionet shtetërore të Maqedonisë kanë ngritur kallëzim penal ndaj rafinerisë së derivateve “Okta”, për shkak të dyshimeve mbi kontrabandën me naftë. Kësaj rafinerie i janë konfiskuar edhe lejet e importimit dhe të eksportimit pa procedura. Nga heqja e këtyre lejeve, naftëtarët shprehin dyshime mbi çrregullimin e tregut në Kosovë, meqë shumica e naftës së importuar mbante vulat e kësaj rafinerie Operatorët e vendit thonë se fillimisht do të shikohet për gjetjen e alternativave për furnizim me karburante përderisa dyshohet se do të ketë edhe lëvizje në çmime.
Me gjithë dyshimet e institucioneve të atjeshme, përfaqësuesit e naftëtarëve të Kosovës shprehen të sigurt në procesin e importimit të derivateve nga kjo rafineri,shkruan Koha Ditore.
Ata thonë se nafta që ka hyrë në Kosovë u është nënshtruar procedurave të rregullta të kontrollimit dhe se për këtë proces janë lëshuar edhe certifikatat e cilësisë nga vetë “Okta”. /Telegrafi/
