Rriten çmimet e ushqimeve për 10 %
Banka Botërore ka bërë të ditur se thatësirat në Shtetet e Bashkuara dhe në Evropën Lindore kanë shkaktuar rritje për 10 për qind të çmimeve gjatë muajit korrik. Banka thotë se dëmtimet dhe humbjet e kulturave të misrit dhe sojës janë arsye të rritjes së çmimeve ushqimore.
Institucioni vë në pah se çmimi i orizit ka rënë për 4 për qind.
Presidenti i Bankës Botërore, Jim Jong Kim, ka thënë se rritja e çmimeve të ushqimeve “është duke kërcënuar ashpër shëndetin dhe mirëqenien e miliona njerëzve”.
Banka Botërore thotë se vendet e Lindjes së Mesme dhe të Afrikës janë më të prekurat nga efektet e rritjes së çmimeve. /Telegrafi/
