Rriten kredit e këqija

11:28 / 20.10.2010

Sistem bankar në Kosovë vazhdon të jetë stabil dhe i sigurt, pavarësisht zhvillimeve në tregjet globale dhe situatave tepër të pakëndshme të ndodhura më parë në Bankën Qendrore të Kosovës (BQK). Me gjithë këtë, kredit e këqija kanë shënuar rritje krahasuar me përudhen e njëjtë të një viti më parë.

Statistikat e BQK-së tregojnë se kredit e këqija kanë shkuar në 4.5 për qind, një gjë të tillë e mohojnë disa nga zyrtarët e bankave.

Zëdhënësi i Bankës Qendrore të Kosovës (BQK), Besnik Kada, tha se kredit e këqija kanë arritur në 4.5 për qind.

“Pjesëmarrja e kredive joperformuese në totalin e kredive në fund të muajit gusht 2010 numëron 4.5 për qind, që është e njëjtë me pjesëmarrja e kredive joperformuese në totalin e kredive në fundin e muajit gusht të 2009”, ka thënë Kada.

Kurse sa i përket kredive ai tha se deri në fillim të shtatorit kanë qenë rreth 1.4 miliardë euro.

Ndërkaq Rudina Heroi, Hulumtuese në Institutin për Studime të Avancuara (GAP), tha se edhe pse Kosova gëzon vendin e parë ne regjion sa i përket numrit më të ulët të kredive të këqija, megjithatë trendi i kredive të këqija është në rritje e sipërme.

“Në vitin 2008, nga numri kredive të lëshuara, 3.3 për qind prej tyre hynin në kategorinë e kredive të këqija, ndërsa në vitin 2009 numri i kredive të këqija është rritur për 1 për qind duke përbërë kështu 4.3 për qind të totalit të kredive të aprovuara nga bankar. Sipas analizave bankare edhe gjatë vitit 2010 do të kemi rritje të kredive të këqija”, tha Heroi. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.