Rukiqi në takimin e odave të vendeve të CEFTA-s

14:03 / 13.12.2012

Në tryezën rajonale mbi bashkëpunimin ekonomik dhe arbitrazhin, të organizuar sot në Podgoricë nga Oda Ekonomike e Malit të Zi dhe e përkrahur nga Qeveria Gjermane përmes Ost-Ausschuss, morri pjesë edhe Sekretari i Përgjithshëm Odës Ekonomike të Kosovës, Berat Rukiqi.

Rukiqi para të pranishmëve nga Odat Ekonomike të vendeve të CEFTA-s prezantoi mbi mundësitë e fuqizimit të bashkëpunimit në mes vendeve të rajonit, veçanërisht në fushën e arbitrazhit dhe promovimit të investimeve, si mjete efikase në adresimin e çështjeve kyçe që lidhen me sundimin e ligjit dhe rritjen e punësimit, pra duke promovuar arbitrazhin si mjet efikas për zgjidhjen e kontesteve komerciale, si dhe krijimin e instrumenteve që mund të shërbenin promovimin e investimeve në kohën e krizës ekonomike globale.

Gjatë diskutimeve për planet e vitit 2013 u pajtuan që të gjenden forma konkrete të përkrahjes për promovimin të arbitrazhit te investitorët dhe komuniteti i biznesit, sidomos përmes edukimit dhe informimit si dhe Zhvillimit të projekteve të përbashkëta për qasje të integruar në promovimin e investimeve. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.