S’kanë para ta blejnë PTK-në
Kompanitë e parakualifikuara për të privatizuar Postë Telekomin e Kosovës (PTK), janë duke shqyrtuar mundësitë për të marrë kredi sepse nuk kanë para të gatshme për ta blerë atë.Me tu marr vendimi nga Komisioni Qeveritar për Privatizimin për parakualifikim, blerësit potencial, kanë kërkuar informacione nga këshilltari i transaksionit “Lazard Freres”, se si mund të marrin kredi nga Korporata Financiare Ndërkombëtare (IFC), anëtare e grupit të Bankës Botërore.
“Katër nga kompanitë e parakualifikuara kanë kërkuar informata nga këshilltari i transaksionit në lidhje me kreditë e IFC-së”, bënë të ditur burimi i gazetës “Zëri”.
Komisioni Qeveritar për Privatizimin javë më parë ka parakualifikuar këto kompani për blerjen e 75 për qind të aksioneve të PTK-së: Al-bright Capital Menagment LLC, në bashkëpunim me Portugal Telecom, Columbian Capital në konsorcium me ACP Axos Capital Gmbh, në bashkëpunim me British Telecom-Poloni (në pronësi të British Telecom), M1 International Limited, Turkcell, Tëelve HORNBEAMS në konsorcium me Aviccena Capital LLC, në bashkëpunim me Sofrecom (pjesë e France Telecom). /Telegrafi/
