Serbia konteston privatizimin në Kosovë
Zyra për Kosovën e Qeverisë së Serbisë e ka dorëzuar në Gjykatën Kushtetuese kërkesën për të shqyrtuar kushtetutshmërinë e privatizimit në tërë territorin e Kosovës që nga viti 1999 e deri më sot.Drejtori i Zyrës Aleksandë Vulin ka paralajmëruar më herët dorëzimin e kësaj kërkese duke sqaruar se e njëjta gjë do të kërkohet edhe nga institucionet ndërkombëtare. “Nuk mund të blini diçka që është e vjedhur. Duhet se pari të vërtetohet kujt çka i takon, dhe pastaj mund të mendojmë për privatizim”, ka thënë Vulin, duke shtuar se privatizimi në Kosovë është monoetnik dhe në të nuk kanë marrë pjesë serbët, raporton REL.
Kosova dhe Serbia kanë ende shumë çështje të hapura. Pavarësisht dëmeve të shumta në njerëz dhe prona, të shkaktuar nga regjimi i viteve të ’90-ta i Serbisë, Kosova ende nuk ka marrë asnjë dëmshpërblim.
Gjithashtu, Kosova nuk ka marrë pjesë në ndarjen e aseteve të trashëguara nga ish Jugosllavia, derisa nuk është zgjidhur as çështja e dhjetëra mijëra pensionistëve kosovarë, fondi i të cilëve vazhdon të mbetet në Serbi. /Telegrafi/
