Serbia nuk lejon transport transit të mallrave kosovare

9:55 / 10.01.2013

Një kamion me fruta pyjore i kompanisë “Eurofruti” nuk ka arritur të shkojë në destinacionin e paraparë, pasi që autoritetet e Serbisë nuk e kanë lejuar ta përdorë si transit shtetin serb për t’i eksportuar ato produkte në Slloveni.

Produktet e kësaj kompanie nga fshati Mramor i Prishtinës janë kthyer prapa në pikën kufitare në Merdarë, pasi doganierët serbë përfaqësuesve të kësaj kompanie iu kanë kërkuar një dokument të shtetit serb.

Përfaqësuesit e saj thanë se dokumentet për eksport i kanë të lëshuara nga Ministria e Tregtisë dhe Industrisë, por ato nuk po u vlejnë aspak në momentin kur u duhet të kalojnë nëpër territorin e Serbisë, raporton KTV.

Tashti ata do të detyrohen që t’i dërgojnë mallrat e veta për në Slloveni nëpërmjet pikës kufitare në Mal të Zi, për çka duhet të nxjerrin edhe dokumente të reja eksporti. Megjithëse është folur shumë për marrëveshjen e tregtisë së lirë, prodhuesit kosovarë shpesh hasin në këso lloj problemesh. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.