Shqipëri, rritet inflacioni
Instituti i Statistikave INSTAT ka bërë të ditur se janë ulur çmimet në krahasim me një muaj më parë, por janë rritur ndjeshëm në krahasim me një vit më parë. Sipas raportit të INSTAT çmimet e ushqimeve janë rritur me 2.7 për qind në krahasim me qershorin e 2011. Nëngrupi i transportit me 3.2 për qind, shëndeti me 3.2 për qind si dhe me 1.3 për qind ujë, qera dhe lëndë djegëse. Por duke krahasuar me një muaj më parë sipas raportit të INSTAT çmimet janë ulur. Për qershorin nëngrupi zarzavate përfshirë dhe patatet kanë pësuar uljen më të madhe me 12.2 për qind.
Specialistja e sektorit të çmimeve pranë INSTAT, Irena Lumi, sqaroi ndër të tjera se gjatë muajit qershor ka pasur edhe një ulje të çmimit të karburanteve përkatësisht nafta me 2.7 për qind dhe benzina me 2.2 për qind.
Inflacioni për muajin qershor ndërkohë arriti në shifrën e 2.2 për qind, duke shënuar një tendencë rritje. Ndërkohë që në 5 mujorin e parë të vitit ky tregues ka qenë nën 2 për qind. /Telegrafi/
