Studentët paralajmërojnë protesta kundër ngritjes së e çmimit të biletës
Studentët e Universitetit të Prishtinës kanë reaguar lidhur me ngritjen e çmimit të biletave në relacionet e Prishtinës me komunat tjera, me ç ’rast kanë apeluar tek organet gjegjëse që të ndikojnë në anulimin e këtij vendimi, pasi që sipas tyre ky çmim i biletave është i papërballueshëm për studentët dhe familjet e tyre. Ata gjithashtu kanë paralajmëruar se nëse nuk anulohet vendimi deri në fund të javës së ardhshme, në shenjë proteste do të bllokojnë hyrjen e autobusëve në stacionin e Prishtinës.Këto i ka bërë të ditur të shtunën në një konferencë për media, kryetari i Paqes Studentore dhe njëherësh deputet në Parlamentin Studentor të Universitetit të Prishtinës, Ekrem Zajmi, duke thënë se vendimi i kompanive transportuese, është i papërballueshëm dhe i papranueshëm për studentët, të cilët edhe ashtu janë në një gjendje të mjerueshme.
Zajmi thotë se kanë dërguar kërkesa në Ministrinë e Infrastrukturës, në Shoqatën e Transporteve ndër urban në regjionin e Pejës, ku janë takuar me zyrtarë nga kjo organizatë, ku kanë marrë përgjigjen se zakonshme se, ngritja e çmimit është bërë për shkak të rritjes së çmimit të derivateve.
Po ashtu sipas tij, kërkesat u janë dërguar gjithashtu Odës Ekonomike të Kosovës dhe Asociacionit të Komunave të Kosovës, që të bëjnë të pamundurën dhe të ndikojnë në këtë vendimmarrje që të rishqyrtohet ky vendim dhe të kthehet në gjendjen e më hershme.
Çmimi i biletës në relacionin Prishtinë-Pejë ka qenë 3 euro, mirëpo para pak kohësh ky çmim është ngritur në 4 euro, ku më së shumti ka prekur xhepin e studentëve edhe ashtu të varfër. Mirëpo, ata thonë se nëse ky çmim nuk ulët, do të protestojnë, duke bllokuar hyrjen e autobusëve në stacionin e Prishtinës. /Telegrafi/
