Studimi akademik të jetë në funksion të biznesit

Kryetari i AKB-së, Agim Shahini, tha se qëllimi i marrëveshjes është përkrahja e arsimit profesional dhe zhvillimit ekonomik. “Shumë biznese të Kosovës po investojnë në arsim”, tha Shahini.
Ekonomia e Kosovës po rritet sipas tij, përkundër problemeve dhe se Qeveria duhet të krijoj kushte dhe lehtësira për biznesin. ”Dora e bizneseve nuk do të mungoj as edhe ndaj Universitetit të Prizrenit dhe ajo e UPZ-së të shërbej për biznesin”, tha kreu i AKB-së. AKB-ja do të pranoi një numër të madh të studentëve të Universitetit të Prizrenit në biznese.

Kurse rektori i Universitetit të Prizrenit, Mazllum Baraliu, e cilësoi të lartë nënshkrimin e kësaj marrëveshje duke shprehur gatishmërinë e bashkëpunimit dhe posaçërisht hulumtimeve shkencore. “Kemi potenciale të mjaftueshme edhe jemi universitet i ri. Do të vazhdojmë bashkëpunimin me AKB-në, me qëllim që arsimimi të ndikoj edhe për zhvillimin ekonomik të vendi”, ka thënë rektori Baraliu.
Sipas tij kjo nuk duhet të jetë marrëveshja e vetme por do të pasohet edhe me marrëveshje tjera. Duhet të bashkëdyzuar teorinë dhe zbatimin e sajë në praktikë dhe se bashkëpunimi ndërmjet UPZ-së dhe AKB-së do të jetë afatgjatë. UPZ pos që është qendër e arsimit ka edhe Qendrën për Hulumtime Shkencore e cila mund të jetë në funksion edhe të biznesit.

Më pas ka vazhduar edhe një takim pune me komunitetin e biznesit te regjionit te Prizrenit ku është diskutuar lidhur me mundësinë e mbajtjes së praktikës së studentëve të UPZ-së në bizneset e këtij regjioni. /Telegrafi/