Venizelos: Greqia shmangu ankthin e falimentimit
Me vendimin e Eurogrupit Greqia iu shmang skenarit për falimentim, deklaroi në një konferencë shtypi Ministri grek i Financave, Evangjelos Venizelos duke e karakterizuar marrëveshjen e re për huanë e dytë si një ngjarje që Greqisë i jep shans të ri, njoftoi media greke."Çka do të ndodhte nëse pas 15 orëve negociata nuk arrinim një marrëveshje, nuk ishte as e lehtë dhe as e qartë", shtoi Venizelos.
Për ministrin grek ky vendim i Eurogrupit është kthim i faqes, që sipas tij i jep fund modelit për zhvillim ekonomik, që dominonte në Greqinë e pasluftës.
“Ishim në një moskokëçarje kolektive dhe u mbështetëm në iluzionin e pasurive kombëtare", tha Venizelos duke shtuar se tani duhet punë më e madhe.
''Greqia do të mbetet në eurozonë'', shtoi Venizelos. /Telegrafi/
