Ende asnjë shenjë nga Elifi që humbi nga vërshimet (Video)

Përpjekja për gjetjen e trupit të Elifit edhe sot edhe sot deri në orët e pasdites rezultoi e pasuksesshme. Kishte përkushtim nga vullnetarët dhe pjesëtarëve të institucioneve shtetërore për ta gjetur foshnjën 16-muajsh. Por, përfundimi ishte i njëjtë, pa asnjë gjurmë të vogëlushes, njofton Shenja.

”Sipas mendimit tim po, japin maksimumin dhe shpresojmë që do ta gjejmë sot, ndërkohë sa do të kemi fat vetëm Zoti e di”, tha një banor i Hasanbegut.

”Do të kërkojmë deri sa ta gjejmë, po mundohen me të veten por janë pak të interesuar për kërkimin e saj”, deklaroi një banor tjetër.

”Kemi shpresat se do ta gjejmë me ndihmën e Zotit, shpresojmë kur të ketë bërë Zoti ymër një ditë prej ditëve, por inshallah sot është ajo ditë dhe do ta gjejmë. Mjaftueshëm jo por edhe mirë është, mundet edhe më keq të jetë”, u shpreh një banor i Hasanbegut.

Vërshimet e para 21 ditëve morën jetën e 22 personave ndërkohë që Elifi kërkohet vazhdimisht por shpresat për gjetjen e saj dita-ditës zvogëlohen./Telegrafi/