0Shares

Propozimi për zhvendosjen e lapidarit të UÇPMB-së nga hapësira e Komunës së Preshevës në oborrin e xhamisë, afër 50 metra më larg, është duke u diskutuar ende nga liderët e institucioneve dhe partive politike në Luginën e Preshevës. Kryetari i Bujanocit, Nagip Arifi ka konfirmuar për Telegrafin se kjo çështje do të diskutohet prapë gjatë një takimi tjetër që do të mbahet pasdite.

Më herët është njoftuar se ishte propozuar zhvendosja e lapidarit të UÇPMB-së, ndërsa si kompensim në të njëjtën kohë do të zhvendosej edhe lapidari i Xhandarmërisë serbe në fshatin Lluçan të Bujanocit.

“Edhe kjo çështje do të diskutohet në takimin e pasdites në Preshevë, sepse mua më është dashur kthehen në Bujanoc për një takim tjetër”, ka shpjeguar Arifi për Telegrafin.

Në anën tjetër, në mesnatë ka kaluar afati të cilin ministria serbe e Drejtësisë ua kishte dhënë autoriteteve në Preshevë që ta largojnë lapidarin e UÇPMB-së. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)