Jam lindur dhe rritur në Prishtinë, qytetin më të këndshëm në Kosovë, sikurse edhe kryeqytet. E dua Prishtinën, sepse është vendi ku tashmë mund të jetojmë të lirë – kështu është shprehur këngëtarja e mirënjohur kosovare, Era Istrefi, për revistën britanike Wanderlust Travel Magazine, ku ka promovuar edhe Brezovicën dhe bregdetin shqiptar.
“Njerëzit atje janë shumë mikpritës dhe miqësorë. Ndoshta mund të mos duken të tillë në përshtypjen e parë, kjo sepse ne nuk qeshim shumë. Mund të dukemi sikur jemi të vrazhdë, por nuk është kështu. Jemi shumë dashamirës dhe miqësorë. Betohem që kjo është e vërtetë”, vijon më tej këngëtarja e hitit “BonBon”.
Për këtë ajo ka përmendur edhe shprehjen e Abraham Lincoln, kur thotë “Nuk e njoh mirë këtë person, ndaj dhe duhet ta njoh më mirë atë”. Pikërisht këtë gjë kërkon edhe për prishtinasit: Duhet vetëm t’i njihni më mirë ata, këshillon Istrefi.
Më tej, ajo rrëfehet se njerëzit në Prishtinë kanë shumë shije në preferencat muzikore. Sipas saj, kryeqytetasit kosovarë dëgjojnë muzikën e shumë yjeve të mëdhenj, duke nisur nga Beyonce, Rihanna, Eminem, por edhe muzikë ‘underground’, rrymat elektronike dhe shumë më shumë hip-hopin.
Nga Prishtina, ajo veçon një restorant të njohur, për të cilin thotë se ka rënë “në dashuri”. Aty gatuhet ushqim tradicional dhe thotë se, këdo që ka dërguar atje nga shtetet ku ka shkuar e që nuk janë shqiptarë, ka mbetur i mahnitur nga ushqimi. “Ata nuk kanë një meny të gjatë, por është tepër e sigurt dhe e shëndetshme të hash çdo gjë që gjen atje”.
Ku e kalon ajo kohën e lirë? Preferenca kryesore është natyra. Nëse dikush do ta pyeste se ku do të dëshironte të jetonte përjetësisht, ajo thotë se do të zgjidhte natyrën e për këtë, s’ka më mirë sesa Shqipëria. Natyra shqiptare është e mrekullueshme dhe e gjithanshme. “Në Shqipëri e Kosovë mund të gjesh male të larta, ku ajri i freskët të mbush mushkëritë dhe të shton jetën. Ka vende shumë të bukura dhe ujëvara për më tepër”.
Për ata që preferojnë hiking, ajo shprehet se do t’u sugjeronte Brezovicën, një kompleks turistik në malet me të njëjtin emër në Kosovë, por një alternativë janë edhe malet e Rugovës. Aty mund të eksplorosh natyrën, ndërsa moti premton shumë. Një shëtitje në natyrë, ajo e konsideron si tepër frymëzuese, të mbush me besim dhe të shton krijimtarinë, sepse siç shprehet, “mendja të prodhon më shumë kur është e lirë dhe në një natyrë me bukuri të rralla”.
Në rajon ajo veçon edhe Shkupin, por edhe Malin e Zi. Në këtë të fundit flet për detin pranë vendit të quajtur Orjen, ku ka plazhe të mrekullueshme. Por nëse do t’i duhej të fliste për bregdet dhe bukuritë përrallore që të ofron një natyrë e tillë, ajo sigurisht që do të rekomandonte Detin Jon dhe bregdetin shqiptar. “Do t’ia rekomandoja kujtdo, sepse ka pamje të jashtëzakonshme. Atje bashkohet deti me male të larta dhe mund të shijosh qoftë turizëm detar edhe turizëm malor”.
Sa i përket punës së saj, ajo rrëfen se po punon shumë tashmë në Shtetet e Bashkuara, ku ka mundur të vizitojë Nju Jorkun dhe Los Angeles, teksa në këtë të fundit flet me lëvdata jo vetëm për qetësinë, por edhe për të bërin ‘shopping’. Për ushqimin thotë se, në Amerikë nuk të ofrohen thjesht dy kokrra vezë, por eksperimente gatimi me vezët, sidomos kur shërbimi i tyre shoqërohet me avokado dhe shumë perime të tjera. Një ushqim tepër i shëndetshëm.
Një ndër gjërat që preferon më shumë është edhe udhëtimi, por edhe gjumi. Qyteti i saj i preferuar në botë mbetet Londra, aty ku thotë se nuk është ankuar kurrë për motin, sepse mendon se është një ndër vendet e pakta në botë ku edhe kur bie shi, atmosfera është tepër e gëzueshme. Por Parisin nuk mund të lihet mënjanë. “Mendoja dhe prisja që Parisi të ishte një qytet shumë i bukur, por mësova se një qytet nuk përbëhet vetëm nga struktura apo ndërtesat. Janë njerëzit që e bëjnë Parisin më të bukur dhe me shije të lartë kulturore, artistike, por edhe me ushqim e veshje të veçanta. Megjithatë për mua Londra mbetet më e bukur”, shprehet Era Istrefi.
Dhe e fundit, Era Istrefit i pëlqen edhe bota e egër. “Kam shkuar në Zvicër njëherë, ku vizitova një kopsht zoologjik në Bazel. Ai është më i vjetri dhe më i madhi në Zvicër. Është e mrekullueshme të shohësh kafshët atje, por nga ana tjetër është edhe e dhimbshme për mua, sepse kam parë disa majmunë dhe dukeshin shumë të parehatshëm të mbyllur në kafaze. Njëri prej tyre ishte gati duke qarë, por më pëlqeu teksa shihja një tigër, i cili dukej shumë i frikshëm. Ishte një eksperiencë që nuk do ta harroj”. /Top Channel/
Lufta Prigozhin - Putin
Më shumëBetejë me Top Channel, Olsi Bylyku thirret përpara Gjykatës
Shkurte Fejza jep lajmin e madh për nder të 50-vjetorit të karrierës
"Nuk kanë pasur kurrë vajzë të bukur nga Kosova", një video e Rita Orës po bën xhiron në internet
Luka Modric bleu një apartament luksoz në Zagreb - aty ku pritet të kthehet për të jetuar
"O Bes Kallaku", reagimi epik i Xhensilës kur fansat i përmendin ish-partnerin në koncert
Donaldi fluturon me helikopter mbi shtëpinë e BBVA për t'i bërë befasi Romeos, tregon se si duket shtëpia e famshme nga lart
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre