LAJMI I FUNDIT:

EULEX-i do t’i gjykojë vetëm rastet e Limajt, Rugovës e Kelmendit

EULEX-i do t’i gjykojë vetëm rastet e Limajt, Rugovës e Kelmendit

Vetëm 3 raste të mëdha është i interesuar EULEX-i t’i mbajë për t’i gjykuar tani pas ndryshimit të mandatit. KTV-ja ka mësuar nga burime brenda misionit evropian që deri në fund, EULEX-i do t’i çojë vetëm rastin MTPT ndaj Fatmir Limajt, rastin e vizave ndaj Ukë Rugovës dhe rastin ndaj Naser Kelmendit.

Ish-ministri i Transportit, Fatmir Limaj, tani kryetar i Nismës për Kosovën akuzohet për krim të organizuar dhe keqpërdorim të detyrës zyrtare. (mars 22)

Edhe ish-deputeti i LDK-së, Ukë Rugova, akuzohet për krim të organizuar në lidhje me veprën e kontrabandimit me migrantë në rastin e keqpërdorimeve me viza italiane.

Kurse, një nga më të kërkuarit e Ballkanit, Naser Kelmendi, akuzohet që si pjesë e një grupi kriminal të organizuar, ka transportuar dhe shitur më shumë se 50 kg heroinë, 150 mijë tableta ekstazi dhe 2.5 tonë acid anhidrik acetik, nga Amerika e Jugut, Turqia deri në Serbi, Kosovë, BeH dhe Kroaci, e vende tjera evropiane.

“Misioni, megjithatë, tani është duke diskutuar që Brukseli ka bërë shumë shkurtime brenda EULEX-it. S’ka gjyqtarë të mjaftueshëm që të gjykojnë raste të mëdha, nuk ka mjaftueshëm gjyqtarë as që të jenë pjesë e ankesave në Apel”, ka thënë ky burim për KTV-në.

Ky burim, zyrtar në EULEX, ka shtuar se për momentin dhe në këtë fazë hetimore, misioni do të vazhdojë të merret me rastin e Azem Sylës, por në gjykim kryesor do të jenë vendësit.

KTV-ja ka raportuar të enjten se EULEX-i tashmë ka nisur transferimin e rasteve te gjyqtarët vendorë.

Këtu përfshihen raste të mëdha si ai i KEK-ut ndaj Sami Lushtakut dhe të tjerëve, por gjithashtu edhe rreth 140 raste tjera që do t’u kalojnë në punë gjyqtarëve kosovarë.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori