Vendimi i Presidentit të Maqedonisë, Gjorge Ivanov, për të tërhequr pjesërisht vendimin për falje, ka ndërlikuar punën e prokurorisë speciale, e cila po hetonte zyrtarët për vepra të ndryshme penale, njofton REL.
Që nga miratimi i vendimit për falje, më 12 prill, prokuroria speciale kishte ndërprerë të gjitha hetimet e nisura ndaj funksionarëve të lartë shtetëror, përfshirë edhe ish kryeministrin, Nikolla Gruevski, por edhe pas tërheqjes së pjesshme të faljeve, ajo ende nuk ka nisur me punë.
Madje, ajo ende është në pritje të vendimit për të parë edhe zyrtarisht se për cilët persona është tërhequr vendimi e për cilët jo. Ekspertët për çështje juridike pranojnë vështirësitë që do të hasë në punë e saj kjo prokurori, e formuar në bazë të marrëveshjes së katër partive politike, për të hetuar të gjitha aferat kriminale që kanë dalë nga ajo që njihet si aferë e përgjimeve.
“Me tërheqjen selektive të vendimit për falje ndërlikohet edhe më shumë puna e prokurorisë speciale. Ajo ka të drejtën ligjore që të vazhdojë ndjekjen penale me dëshmi të reja për përfshirjen e zyrtarëve në vepra të ndryshme penale, megjithatë këtë të drejtë nuk e ka për personat që ende janë në listën e faljes së presidentit.”
“Situata paraqitet edhe më problematike kur këta persona gjenden në veprat e njëjta me zyrtarët për të cilët më nuk vlen falja. Personat ndaj të cilëve nuk është tërhequr falja nuk mund të jenë objekt hetimi, emrat e tyre nuk guxojnë të përmenden, kurse të njëjtit nuk mund të thirren as në cilësinë e dëshmitarëve”, thotë ish-prokurori publik, Jovan Tërpenovski, duke e vlerësuar të dëmshëm si vendimin e parë për falje, ashtu edhe të dytin për tërheqjen e pjesshme të faljes.
“Mbetet edhe më tej një pasiguri juridike, të cilën praktikisht e ka imponuar presidenti me aktin e faljes, për shkak të trajtimit të pabarabartë të personave para ligjit. Kjo nënkupton se këtu vazhdon të shkelen parimet themelore të kushtetutës që parasheh barabarësi para ligjit”, thotë Tërpenovski.
Ndërkohë, Bashkim Selmani, profesor i së drejtës penale në Universitetin e Tetovës, thotë se si vendimi i parë, ashtu edhe i dyti i Presidentit Ivanov, kishin për qëllim pengimin e punës së prokurorisë speciale në hetimin e zyrtarëve të dyshuar për vepra të ndryshme penale.
Ai thotë se me vendimin e parë ai ka zvarritur procedurën për gati dy muaj, ndërsa me vendimin e dytë ka ndërlikuar procedurat e mëtejme. Gjithçka, sipas tij, është bërë në koordinim me partitë në pushtet, për të mbrojtur zyrtarët e inkriminuar nga ndjekja penale.
“Vet mënyra e faljes e kishte këtë qëllim më tepër fshehjen e të dyshuarve se sa zbardhjen e rastit. Në këtë rast, vendimi tij për falje ra në kundërshtim me gjyqësorin, për arsye se pikërisht Presidenti është ai që duhet të zbatojë me përpikëri kushtetutën. Por, ai ishte i pari që ra në kundërshtim me parime kushtetuese dhe ato ndërkombëtare, kështu ai më tepër e kundërshton se sa e ndihmon punën e prokurores speciale”, thotë Selmani.
Ai thotë se prokurorja speciale, Katica Janeva, duhet të ngrejë çështjen e punës së zyrës së saj që të mos ketë më pengesa në punë, se në të kundërtën, ajo asnjëherë nuk do të arrijë të mbyllë punën e nisur.
“Prokuroria duhet të hapë një çështje tjetër dhe të verifikojë shkaqet dhe arsyet e pengimit të punës së saj, pasi nesër mundet që dikush tjetër ta pengojë në hetimin e rasteve… mundet ai të jetë kryeministri, apo ndonjë ministër. Prandaj nevojitet një qasje tjetër, pasi detyrë parësore e kësaj prokurorie është hetimi i keqpërdorimit të detyrave zyrtare, të asaj që është interes publik i përgjithshëm”, thotë Selmani.
Ai gjithashtu ngriti sërish nevojën e formimit edhe të një gjykate speciale, pasi pengesat e radhës në punën e prokurorisë pritet të jenë ato të gjykatave aktuale, të cilat nuk kanë aprovuar ende asnjë masë arresti për hetimet e nisura nga prokuroria speciale.
Ndryshe, vendimi i Presidentit për tërheqjen e pjesshme të faljes vazhdon të kritikohet edhe nga bashkësia ndërkombëtare, e cila aktin e ka vlerësuar si selektiv dhe të pamjaftueshëm për çuarjen në vend të drejtësisë lidhur me hetimin e zyrtarëve shtetëror. /Telegrafi/
Lufta Prigozhin - Putin
Më shumëNga Rubrika
Italia, jo më “toka e premtuar”, përgjysmohen kërkesat për azil nga fëmijët shqiptarë
Klinika “Zhan Mitrev”: U mbajt kongresi i ll-të i teknologëve radiologjikë
Familjarët refuzuan të merrnin trupin për ta varrosur, Prokuroria Elbasan: Personi i vrarë në burgun e Peqinit është Arben Lleshi
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre