LAJMI I FUNDIT:

FMN kërkon nga Britania të reduktoj rreziqet

FMN kërkon nga Britania të reduktoj rreziqet
Pedestrians walk past the International Monetary Fund headquarters' complex in Washington Sunday, May 2, 2010. A senior International Monetary Fund official says the IMF's executive board is meeting in Washington to consider how much aid to grant Athens under a massive rescue loan package. (AP Photo/Cliff Owen)

Fondi Monetar Ndërkombëtar (FMN) i ka bërë thirrje Britanisë dhe Bashkimit Europian të reduktojnë rreziqet pas referendumit në Britani për tu larguar nga BE-ja.

Drejtoresha Menaxhuese e Fondit Monetar Ndërkombëtar Christine Lagarde ka thënë të hënën se FMN-ja shpreson se procesi i tranzicionit do të zhvillohet në mënyrë efikase dhe të parashikueshme, për të shmangur pasiguritë.

Tregjet globale pësuan tronditje të premten, një ditë pas votimit për largimin e Mbretërisë së Bashkuar nga BE-ja.

Britania duhet të negociojë tani kushtet e daljes së saj, si dhe statusin e ri të marrëdhënieve me BE-në.

FMN-ja ka paralajmëruar se GDP-ja e Britanisë do të ulet me 0.8 për qind vitin e ardhshëm, nëse ky vend largohet nga BE-ja. /Telegrafi/