Alo... qenka hekuri!
Kjo mund të jetë një nga dhimbjet më të mëdha që një burrë mund të ketë provuar duke bërë punë shtëpie.Pavarësisht nëse ishte një “gabim pa hile”, siç këmbëngul Tomas Packovski apo jo, e sigurt është se do kalojë ca kohë që e shoqja Lila t’i kërkojë sërish ndihmë në punët e shtëpisë.
Start transmeton se 32-vjeçari polak gabimisht vuri në vesh hekurin e nxehtë në vend të telefonit që binte, teksa ishte duke hekurosur rrobat.
Pas ankesave të së shoqes se nuk zinte gjë me dorë në shtëpi, ai vendosi t’ia dëshmojë të kundërtën duke hekurosur, ndërkohë që ajo ishte në punë.
“Në fillim po shkonte mirë, por më pas e humba mendjen dhe kur ra zilja e telefonit, pa dashje e mora hekurin dhe e vura në vesh. Dhimbja ishte e pabesueshme”, ka treguar Packovski.
Mjekët thonë se ai do të shërohet nga plaga, por burri është betuar se kurrë nuk do të bëjë më punë shtëpie. /Telegrafi/
