Apartmane për pasagjerët
Fluturimet e gjata me aeroplan për shumë njerëz paraqesin rraskapitje për shkak të hapësirës së pamjaftueshme për këmbët ose për shkak të bashkudhëtarëve të bezdisshëm. 
Për të gjithë ata që e duan privatësinë, Singapore Airlines në aeroplanët e vet A380 ofron ‘apartmane’ luksoze. Mangësia e vetme e tyre është çmimi i lartë. Një biletë kthyese në linjën Singapor – New York kushton 15.750 dollarë.
Për këto para, secili udhëtar merr një kabinë private, shtrihet dhe me pije në dorë përcjell televizorin. Përveç ulëseve, aty gjendet edhe krevati për ata që duan të pushojnë. Për këta udhëtarë ka meny të veçantë që shoqërohet me verë të mirë.
/Telegrafi/
