"Autorja” e Krishtit “majmun” kërkon honorar nga kisha! (Foto)
Gjyshja spanjolle Cecilia Jimenez (80), e cila në tentimin e saj të dështuar të restaurimit e ka shkatërruar një ikonë të Jezu Krishtit, të punuar në shekullin XIX, kërkon që t’i paguhet honorari, meqë kisha që e zotëron këtë ikonë, sipas saj, është shndërruar në një atraksion turistik. 
Jimenez u bë e famshme në tërë botën kur ka tentuar ta restaurojë një ikonë kishtare në vendin e quajtur Borja. Por, figura e Krishtit në fund ngjante më shumë me një majmun se me një shpëtimtar.
Ikonat e ndryshuar u bë hit në internet, për çka mijëra kureshtar kanë vizituar kishën Santuario de Misericordia për të qeshur nga afër me punën e restauratores së paaftë.
Autoritetet kanë kërcënuar ta padisim atë për restaurim të paautorizuar, ndërsa ajo ka thënë se e ka bërë këtë me qëllime të mira, meqë “ikona duhej të rregullohej”.
Megjithatë, popullariteti i ikonës së modifikuar është shtuar aq shumë, saqë linja ajrore "Ryanair" ka ofruar bileta më të lira për aeroportin e afërt në Zaragosa, për të inkurajuar "pelegrinët" për të vizituar kishën e për të parë nga afër veprën që tani quhet: “Shihe majmunin”. !.jpg)
Për shkak të popullaritetit në rritje "kryeveprës", kisha nisi t’i ngarkojë vizitorët me 4 euro për hyrje, kështu që brenda katër ditëve janë fituar 2000 euro. Por, vizitat po shtohen e me to edhe fitimet.
Avokatët e jimenezit tashti insistojnë se ajo ka të drejtë për një pjesë të fitimeve, të cilën ajo dëshiron që t’ia jap ndonjë organizate bamirëse, sipas zgjedhjes së saj. /Telegrafi/
