Biçikletë nëntëdollarëshe
Biçikleta e përftuar nga riciklimi që kushton vetëm nëntë dollarë pret blerësit e saj.Biçikleta është mjeti më i preferuar nga të rriturit dhe fëmijët, i njohur për anët e pakta negative, ambientaliste dhe si mjet sportiv shumë efektiv.
Një inxhinier izraelit arriti të prodhonte jo vetëm një mjet pro ambientit, por shkoi edhe më tej duke prodhuar një mjet shumë të lirë, të lehtë, të qëndrueshëm dhe të përbërë nga lëndët e ricikluara. Pjesa më e madhe e trupit përbëhet nga letra të hedhura të forcuara dhe pjesë të mbetura nga rrotat e makinave të vjetra.
Siç raporton Start, me përdorimin e lëndëve të ricikluara biçikleta është prodhuar me një çmim shumë të lirë. Ajo mund të mbahet lehtë në dorë për shkak të përmbajtjes. Nuk kërkon riparime.
Projektuesi i saj mendon se kjo biçikletë do të ketë një të ardhme të ndritur duke pasur parasysh shitjen e 250 milionë biçikletave në vit në botë dhe hedhjen e miliona tonelata mbetjeve. /Telegrafi/
