Borë në Saharë
Banorët e pjesës jugore të Tunizisë, të martën në mëngjes i priti një pamje e pazakontë para shtëpive të tyre - shkretëtira e bardhë!
Në qytetet Tataouine dhe Matmata, që gjenden në pjesën e shkretëtirës së Tunizisë , në Saharë, ra borë disa centimetra në natën ndërmjet të dielës dhe të hënës.
Qytetet e lartpërmendura janë të njohur në mbarë botën si lokacionet e xhirimit të filmave “Star Wars”.
Ky rajon nuk e ka parë borën që prej vitit 1962.
Moti i ftohtë që ka kapluar javën e kaluar Tunizinë, në veri të vendit ka krijuar kaos, ndërsa vende-vende trashësia e borës në këtë shtet mbërrin deri në 80 centimetra. /Telegrafi/
