Djaloshi niset me aeroplan pa dokumente
Një fëmijë 11-vjeçar ka hipur vetë në aeroplanin që shkonte nga Mançesteri për në Itali, ndërsa me vete nuk ka pasur as pasaportë, as biletë e as leje nga aeroporti.Zëdhënësi i Aeroportit të Mançesterit ka bërë të ditur se ai është zbuluar vetëm atëherë kur aeroplani ishte duke fluturuar. Sipas tij, një numër i të punësuarve janë suspenduar për shkak të këtij lëshimi.
“Është e qartë se nuk është bërë kontrollimi i dokumenteve në mënyrën e duhur te sigurimi dhe te kalimi drejt aeroplanit. Djaloshi ka kaluar të gjithë parametrat e sigurisë, ashtu që nuk kanë qenë të rrezikuar pasagjerët dhe aeroplani”, ka thënë zëdhënësi.
Besohet se 11-vjeçari kishte ikur nga shtëpia para se të hipte në aeroplan. /Telegrafi/
