Dreka e 107524 eurove!?
Kapitalizmi neoliberal ka sjellë sasi të madhe të parave në duart e pak njerëzve të pasur. Fëmijët e tyre, që ndoshta kurrë nuk kanë përjetuar punën, lahen pa fije turpi në Dom Perignon dhe hanë ushqim që kushton 100 mijë euro, e pastaj me fotografi mburren në internet. "Rich Kids of Instagram" është mbushur me fotografi të pasanikëve të rinj që “ujiten” me shampanjë të shtrenjtë, rrëshqasin në tobogan të një jahte luksoze, fotografohen para makinave të shtrenjta me bizhuteri të shtrenjta, lëvdohen për posedim të kallashnikovëve të arit dhe “perversione” tjera.
Por, publikut më së shumti i ka rënë në sy fotografia e llogarisë nga një restorant në St. Tropez që tregon se për ushqim dhe pije në atë objekt janë shpenzuar 107524 euro! Sipas llogarisë, ndër të tjera është ngrënë havjari dhe është pirë Dom Perignoni.
Këto fotografi të publikuara kanë nxitur debatin se si fëmijët e pasanikëve nuk e çmojnë paranë që nuk e kanë fituar vetë. /Telegrafi/
