Duken njësoj, por nuk kanë lidhje familjare (Video)

17:22 / 17.02.2013

Thuhet që secili njeri e ka diku në botë ‘kopjen’ e tij, mirëpo gjasat për ta takuar janë shumë të pakta. Megjithatë, ka njerëz që gjatë jetës takohen me personin tjetër që u ngjan. Të tillë janë edhe personat që gjenden në videon e mëposhtme.

“Kam menduar se e kam gjetur binjaken time të humbur”, ka thënë Jasmin, e cila e ka takuar dubleren e saj Matty në një kam në Universitetin e Kalifornisë Jugore.

OJ Smith dhe Crystal janë takuar në një dyqan rrobash, ku punonte Crystal. Ato dyja sot e kësaj dite janë shoqe.

Rasti më i çuditshëm është i Josh dhe Francisco, të cilët punojnë në të njëjtën kompani.

“Francisco ishte vetëm njëri nga njerëzit që punonte në të njëjtin kat, sikur unë. Asnjëherë nuk e kam vërejtur ngjashmërinë, derisa njerëzit filluan të flasin se dukemi njësoj”, ka treguar Josh.

Ata thonë se shpesh u ndodhin ngjarje komike, kur shefat apo kolegët i ngatërrojnë. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.