Hakmerret ndaj të dashurës, i qeth qenin

15:18 / 11.01.2013

Hakmerret ndaj ish-të dashurës që mendonte se e tradhtonte, duke i qethur qenin e racës shih-tzu.

Ky ishte reagimi i britanikut Rob Davey, 26 vjeç ndaj të dashurës së tij Zoe Ashman 36 vjeç. 26-vjeçari dyshonte se e dashura e tij e tradhtonte dhe në një moment nga xhelozia vendos të hakmerret duke i qethur qenin.

36-vjeçarja “u njoh” me look-un e ri të kafshës së saj në momentin kur u kthye në banesë, ndërsa vendosi ta padisë atë për ‘krimin’ e kryer. Para gjykatës në Stevenage 36-vjeçarja tha se ish i dashur i saj i kishte shkaktuar dëm emocional duke shpërdoruar mundin disa-mujor për të regjistruar qenin e saj në një konkurs televiziv për kafshët, pasi me pamjen aktuale mundësitë që qeni i saj të marrë pjesë janë zero.

Në përfundim, gjyqtari i çështjes vendosi të gjobisë me 2 mijë paund dhe një vit punë vullnetare në komunitet të riun. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.