I dha fund karrierës së vrapimit në moshën 101 vjeçare

18:52 / 24.02.2013

Me mijëra vrapues kanë marrë pjesë në maratonën prej 10 kilometrash në Hong Kong, e cila për 101-vjeçarin britaniko-indian, Fauja Singh, ishte dhe celebrimi për daljen në pension pas një karriere të gjatë vrapimi.

Singh, i cili ka gjashtë fëmijë, 18 nipër dhe mbesa dhe një numër dhe më të madh stërnipërish, ka festuar në praninë e njerëzve të komunitetit indian. I lindur para luftës së parë botërore, në 1911, ai është maratonisti më i vjetër që mori pjesë në maratonën tetëorëshe në Toronto në vitin 2011.

Fatkeqësisht, ai nuk mund të jetë pjesë e librit Guinness, pasi nuk mund të gjejë certifikatën e lindjes. Në 1 prill gjithsesi ai do të festojë 102 vjetorin, dhe gara e fundit ka zgjatur një orë, 32 minuta dhe 28 sekonda.

"Ndihem shumë i lumtur, më parë vrapoja pesë kilometra për gjysmë ore, por Zoti më ka thyer krenarinë. Por gjithsesi jam shumë i lumtur”, citon Shekulli fjalët e Singh.

Edhe pse karriera e tij ka përfunduar ai nuk do të heqë dorë nga vrapimi. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.