Iku nga spitali, për ta festuar me birra ditëlindjen e 94-të

14:35 / 11.01.2013

Një gjerman ia doli të largohet nga një spital në Mynih, për të shkuar në pijetoret e njohura të qytetit, e për ta festuar ditëlindjen e 94-të: me birra!

Plakun - i cili ende kishte gjilpërë intravenoze në krahun e majtë - e vërejti një kalimtar në hekurudhën nëntokësore. Ai e dërgoi atë tek administrata e metrosë, e cila pastaj lajmëroi policinë.

"Pas disa thirrjeve, doli se plaku iku nga një klinikë në Mynih", thanë nga policia, duke shtuar se pacienti i arratisur donte të shkonte në pijetore.

Nëntëdhjetekatërvjeçari u kthye në spital, ku mjekët i thanë se mund të porosisë birrë: sipas dëshirës së tij. /Telegrafi/

 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.