“Alo policia, djali nuk dëshiron të flejë...”

23:59 / 26.12.2012

Policët anekënd botës pranojnë kërkesa të çuditshme për intervenim nga qytetarët. Kështu, policia në Britani të Madhe ka marrë një telefonatë, përmes së cilës babai i një fëmije është ankuar se djali i tij refuzon të shkojë në krevat për të fjetur.

Djaloshi 14-vjeçar ka luajtur me lojëra në kompjuter duke injoruar kërkesën e babait, i cili ka menduar se policia mund t’ia zgjidhë problemin me fëmijën e padëgjueshëm, prandaj e ka sjellë numrin e intervenimit urgjent.

Numri i urgjencës duhet thirrur vetëm në rast të rrezikut të madh dhe nëse dikush është dëshmitar i ndonjë vepre të rëndë penale, siç është vrasja apo të ngjashme.

Megjithatë, ka ndodhur që policia uellsiane të pranojë telefonatë në të cilën një grua është ankuar se restoranti i ka sjellë porosinë e gabuar. Gjithashtu, ka pasur thirrje në të cilat njerëzit kanë pyetur se si duhet të dërgohet me ‘faks’.

Një tjetër telefonatë e një qytetari ka tingëlluar kështu: “Më duhet urgjentisht një stomatolog. Fytyra më është ënjtur qe dy ditë. Shkova te stomatologu në skaj të rrugës, por ishte mbyllur”.

Po ashtu, policët e intervenimit urgjent janë pyetur edhe rreth rezultatit të ndonjë ndeshjeje... /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.