“Shteti” me 11 banorë që përdor himnin tonë kombëtar dhe që pohon se e ka njohur Kosovën (Video)

Gjithsesi, këtë lidhje e ka bërë që në vitin 1977 ai që e krijoi, Kevin Baugh. Në këtë vit ai shpalli micronation (minikomb), të cilin e quajti më vonë Republika e Molosëve.

Me burime të limituara informatike, Kevin Baugh qeveris duke përdorur si monedha zhetonët e pokerit që quhen Valora. Ajo që të bën më shumë çudi është fakti se Molossia përdor si himn të republikës së tij një version të përpunuar të himnit tonë kombëtar.

Presidenti aktual, Kevin Baugh, drejton vendin me vetëm 11 banorë, është i martuar, ka dy djem dhe Zonjën e Parë, dy mace e tre qen dhe një kalë. Njëkohësisht ai kryen edhe detyrën e ministrit të Jashtëm. Republika e Molosëve ka një Deklaratë, ku thuhet se ajo është një nga vendet e para në botë që ka njohur pavarësinë e Kosovës, një ditë pasi Prishtina zyrtare e shpalli.

Presidenti i saj, i cili e quan veten edhe mbret, megjithëse ajo është republikë, e shpalli këtë ‘micronation’, e njohur më pas si Republika e Madhe Vuldstein, më 1997. Molossia e konsideron veten si vend mik, megjithëse ajo është shpallur katërmbëdhjetë vjet më pas Republikë e Molossias, që në shqip thirret “Myzeqe”. Emri Myzeqe vjen nga një zonë fushore mjaft e begatë në pjesën perëndimore të bregdetit Adriatik, një fushë e madhe pjellore mes Lushnjës dhe Fierit. Banorët e kësaj zone thirren “myzeqarë”.

Në historinë e toponomastikës shqiptare Myzeqeja zë një vend të rëndësishëm. Unaza e bukurisë në universin e larmishëm të natyrës së kësaj fushe, e cila quhet dhe “hambari i Shqipërisë”, padyshim që është manastiri i Ardenicës, në Kolonjë, Lushnjë, që gjendet në pikën më dominuese të kësaj zone. /Titulli/