“Jashtëtokësorët janë mes nesh”

17:05 / 8.12.2012

Jashtëtokësorët janë mes nesh, por unë nuk mund ta them numrin e tyre sepse do të ngjallte panik te njerëzit. Kështu ka thënë kryeministri i Rusisë, Dmitry Medvedev, pa ditur që ende po regjistrohej pas përfundimit të një emisioni në një televizion rus.

“Po ua them për herë të parë dhe të fundit, në valixhen me kodet e bombave bërthamore, presidenti ka një dosje me informacion të detajuar lidhur me jashtëtokësorët që kanë vizituar planetin tonë dhe bashkë me të është edhe një dosje tjetër e klasifikuar e shërbimeve sekrete me informacione të detajuar për prezencën e jashtëtokësorëve në territorin tonë”, ka deklaruar ish-presidenti rus duke sqaruar më pas se kodet e armëve bërthamore bashkë me dy dosjet “tepër sekrete” kalohen nga njëri president te tjetri.

Top-Channel raporton se Medvedev nuk është ndalur me kaq por ka vazhduar shakanë e tij: “Është një film i famshëm, ‘Men in Black’, ku mund të gjeni informacione më të detajuara për këtë çështje, unë s’mund t’ju them asgjë më shumë”. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.