Jiroemon Kimura, burri më i vjetër në histori

17:06 / 30.12.2012

Japonezi Jiroemon Kimura është 115 vjeç dhe është shpallur zyrtarisht si mashkulli më i vjetër në histori.

Sipas të dhënave nga Librin Guiness të Rekordeve, Kimura, i cili është nga Kyotangu - Japonia perëndimore - ka lindur më 19 prill 1897. Kjo do të thotë se i ka 115 vjet dhe 253 ditë.

Kështu ai e theu rekordin e Christian Mortensenit nga Kalifornia, i cili vdiq në vitin 1998, duke i pasur 115 vjet dhe 252 ditë. Gruaja më e vjetër deri vonë ishte francezja Jeanne Calment, e cila vdiq më 1997 në moshën 121 vjeçare.

Kushëriri i Kimuras, Tamotsu Miyake (80), ka thënë se njeriu më i vjetër në botë ka një vullnet të pabesueshëm për të jetuar.

Kimura u bë personi më i vjetër më 17 dhjetor, atëherë kur vdiq Dina Manfredini nga Iowa, në moshën 115 vjeçare.

Manfredini ka lindur 15 ditë para Kimuras. /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.