Kangurët ndërpresin garën e golfit (Video)
Një ndeshje golfi në kategorinë e femrave në kuadër të Australian Open, është ndërprerë në Canberra për shkak të hyrjes së kangurëve në terren.Në garë merrnin pjesë dhjetëra lojtare më të mira të golfit në botë, mirëpo të gjithë të pranishmit u befasuan kur në fushë u shfaqën kangurët.
Kafshët ishin në kërkim të ujit, ndërsa ato mund të shihen shpeshherë në këto pjesë të Australisë. Numri i tyre është aq i madh, saqë paraqesin rrezik për shoferët në komunikacion. /Telegrafi/
