Një kinez ka provuar të hyjë në librin e rekordeve të Guinnessit në një kategori interesante, duke prerë perime me letrat e bixhozit. Je Tongksin shpreson së do t’ia dalë për të prerë 18 tranguj për më pak se një minutë.
Kinezi Je Tongksin (48) tash 10 vjet provon të thyejë rekordin botëror në prerje të shpejtë të perimeve me letrat e bixhozit. Rekord i deritashëm është prerja e 18 trangujve për më pak se një minutë, kurse Tongksinit assesi nuk po i shkon për dore që ta thyejë këtë rekord.
Ai ushtron çdo natë nga dy orë, kurse letrat i hedh me një shpejtësi prej 360 km në orë. Kinezi ushtron edhe në shalqinj dhe molla, transmeton “Daily Mail”.
Deri tash ai ia ka dalë për të prerë një rresht prej 12 trangujsh për 47 sekonda dhe shpreson se do ta thyejë rekordin deri ën fund të këtij viti. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
