Kinezi pagoi 250.000 euro për një pëllumb
Një pëllumbaxhi i pasionuar dhe pasanik nga Kina bleu në ankandin online të pëllumbave garues një pëllumb me shumën rekord prej 250.000 euro.Blerësi Zhn Yu, pronar i kantierit më të madh të ndërtimit të anijeve në Kinë, dëshiron të përqendrohet më shumë në hobin e garave me pëllumba, ndërsa vitin e kaluar sponsori njërën prej garave fituesi i së cilës mori me vete shpërblimin marramendës prej 835 mijë euro.
Shuma më e madhe për blerjen e një zogu garues është 170.000 euro. Gara e pëllumbave është një hobi i vjetër i cili është i popullarizuar edhe në Angli, Belgjikë, Holandë dhe Gjermani, ndërsa kohët e fundit është popullarizuar shumë edhe në Kinë.
Tabloidi britanik The Sun shkruan se pëllumbi i Mbretëreshës Elizabeth në një rast mposhti atë të legjendës së boksit Mike Tyson në garën me vlerë disa milionë euro e cila është mbajtur në Afrikën e Jugut. /Telegrafi/
