Luten vjedhësit që ta kthejnë medaljen e bronztë
Klubi i basketbollit Khimki në Rusi ka kërkuar nga vjedhësit që ta kthejnë medaljen e bronztë olimpike, të cilën e ka fituar lojtari i këtij klubi në Olimpiadën e Londrës, në përbërje të seleksionit basketbollistik të Rusisë.Vitaly Fridzon, basketbollist me gjatësi 196 centimetra, ka njoftuar të dielën se në banesën e tij në Khimki, afër Moskës, kanë hyrë hajnat dhe kanë vjedhur gjëra të shtrenjta, përfshirë edhe medaljen e bronztë olimpike nga Londra.
“Ju lutemi ta ktheni medaljen, të cilën Vitaly e ka fituar me punë të vështirë për shumë vite, ndërsa për ju ajo është vetëm mjet për të fituar para”, shkruan në faqen në Internet të klubit, ndërsa transmeton REL. /Telegrafi/
