Macja eci 320 kilometra dhe u kthye në shtëpi pas dy muajsh

17:33 / 27.01.2013

Macja e quajtur Holly është bërë temë e diskutimi në internet, pasi ka ecur 320 kilometra për t’u kthyer në shtëpinë e vet, ndërsa kishte humbur dy muaj më parë kur familja ishte në pushime.

E rraskapitur dhe e pistë, macja ishte paraqitur në oborrin e një familjeje në Florida.

Kjo familje pasi e ka ushqyer e ka dërguar te veterinari, i cili ka zbuluar se ajo kishte një mikroçip me emrin e pronarëve të saj, të cilët jetonin vetëm disa kilometra më larg.

Macja kishte humbur në një plazh në Dayton, ndërsa ekspertët akoma nuk dinë si ta shpjegojnë kthimin e saj në shtëpi, duke qenë se ajo është një mace shtëpie dhe nuk është e mësuar për të ecur në distanca të largëta. /Telegrafi/

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.