Mësuesja shpëton nxënësen, i pushoi dy herë zemra gjatë orës së gjimnastikës
Olivia Quigley 8 vjeç, vuante nga problemet në zemër dhe për shkak të komplikimeve të saj, gjatë orës së gjimnastikës i pushoi zemra dy herë.Ajo qëndroi pa marrë frymë për afro 6 minuta, ndërsa falë ndërhyrjes së mësueses dhe frymëmarrjes artificiale, vogëlushja arriti të mbijetojë.
Programet në shkollë parashikojnë ndërhyrje të ndihmës së shpejtë, por deri në momentin që ajo të mbërrinte për Olivian do ishte tepër vonë.
Ishte pikërisht mësuesja e kësaj të fundit, e cila la mënjanë çdo frikë dhe i ofroi gjithë ndihmën e nevojshme vajzës, ndërsa pas dërgimit në spital, mjekët thanë se e mitura kishte kaluar dy goditje në zemër dhe nëse nuk do ishte ndihmuar, mund të kishte ndërruar jetë.
Babai i saj Scott Quigley, kërkoi nga senatori i Massachusetts shtim të investimeve në ambientet shkollore, ndërsa shprehet pafundësisht mirënjohës për mësuesen e vajzës së tij. /Noa/Telegrafi/
