Ministrja më e bukur në botë (Foto/Video)

21:08 / 26.04.2013

Ministrja e re e Sportit në Venezuelë, “turbulloi” tërë Amerikën Latine. Alejandra Benitez me profesion është dentiste, ndërsa mbrojti disa herë ngjyrat e vendit të saj në Olimpiadë. Falë pamjes, iu fut edhe botës së modelimit ku nuk tregoi “turp” për ta shfaqur linjat e trupit të saj.

Kur pasardhësi i Hugo Chavezit, Nicolas Maduro, zbuloi anëtarët e qeverisë, në mesin e fytyrave të reja vëmendjen e tërhoqi ministrja e re.

Kreu i ri i Ministrisë së Sportit të Venezuelës ka një CV interesante. Nuk ka asnjë dyshim se fjala është për personin që kupton problemet me të cilat ballafaqohen sportistët, sepse me vite të tëra ka përfaqësuar vendin në garat e shpatarisë.

Ajo ishte e pranishme në Athina 2004, Pekini 2008, Londra 2012... Ka lindur në Karakas, është 32 vjeçe, ndërsa me profesion është stomatologe. Mediat e Amerikës Latine, që prej publikimit të saj, kanë nisur garën se kush më mirë e shpreh bukurinë e saj, duke e shpallur edhe si politikanen më të bukur në botë.

"Nga manekinia te ministrja", është një nga titujt më të zakonshëm, pasi Alejandra, në saje të figurës së mahnitshme, hyri edhe në botën e motës. Për vendimin e saj për të pozuar me pak ose hiq rroba, ajo ka thënë: “Rrobat mund të fshehin shumëçka. Por, kur je lakuriq, ky je ti”. /Telegrafi/


 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.