Njerëz që nxitojnë të marrin ashensorin ndoshta me mendjen se çfarë sfidash u ofron dita në punë, apo që bëjnë planifikime për orët e ditës pas pune. Mbyllen dyert, fiken dritat dhe ashensori nis të zbresë poshtë, por papritur “dyshemeja çahet” dhe pjesëzat e saj prej metali me zhurmën karakteristike bien dhjetëra metra poshtë.
Fatmirësisht nuk bëhet fjalë për një aksident të tmerrshëm, por një ilustrim teknologjik i një kompanie monitorësh që ka dashur të tregojë se sa pastër është figura te produktet e saj.
Bëhet fjalë për fushatën publicitare të LG. Në pamje të parë, në spotin që po bën xhiron në internet, personat pjesëmarrës “tmerrohen nga aksidenti”. Vetë kompania nuk ka sqaruar nëse personat në fjalë ishin në dijeni për “rrëzimin e dyshemesë” apo kanë qenë të rastësishëm. Sido që të jetë, spoti u dha një arsye të mirë shumë punonjësve me zyra në kate të larta që të përdorin shkallët. /TCH/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
