Panik në rrugët e Norfolkut: Menduan se qeni është luan!

14:29 / 11.01.2013

Një qen “hibrid” i krijuar nga përzierja e racës së labradorit dhe qimedredhurit, ka shkaktuar panik në rrugë, pasi njerëzit mendonin se nga kopshti zoologjik është arratisur luani. Policia në qytetin e Norfolkut, në shtetin amerikan të Virxhinias, ka marrë një numër të thirrjeve nga qytetarët të cilët pretendonin se rrugëve po endet një luan.

Policia menjëherë kontaktoi kopshtin zoologjik, nga ku u tha se luanët janë në numër. Më vonë doli se konfuzionin në mesin e qytetarëve e ka shkaktuar qeni me emrin Charles Monarku.

Daniel Painter, pronari këtij qeni, ka thënë se e ka qethur qenin që të duket si maskota e Univeristetit Old Dominion. Ai pranoi se disa njerëz mendojnë që qeni i tij është luan.

"Unë u them se është përzierje e labradorit dhe luanit. Shumica besojnë”, ka thënë ai.

Charles Monarku e ka faqen e tij në rrjetin social Facebook, ku deri tash ka mbledhur mbi 23 mijë pëlqime (like). /Telegrafi/
 

Komente

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi.
Ju lutem lexoni rregullat këtu.