Pas 23 vitesh kthehet nga të “vdekurit”
Njeriu të cilin të gjithë e dinin për të vdekur, ka shokuar familjen e tij pasi ai u kthye në vendlindje, në një fshat të Bangladeshit. Kushërinjtë e Moslemuddin Sarkarës kanë humbur shpresën se do ta shohin, por ai u kthye në shtëpinë nga e cila ishte larguar më 1989.
Sarkar gjatë 15 viteve të fundit ishte në një burg të Pakistanit, ndërsa kthimin e tij në shtëpi e ka ndihmuar Kryqi i Kuq.
Qindra njerëz u mblodhën në rrugët e fshatit Bishnurampur, për ta parë atë e për t’i uruar mirëseardhje. Në një intervistë telefonike është zbuluar se më 1989 ishte futur në Indi pa dokumente valide, ndërsa familjes nuk i kishte thënë asgjë. Pas kësaj është arrestuar, sepse ka tentuar që më 1997 të futet ilegalisht në Pakistan.
"Nga Ambasada kam kërkuar të më kthejnë në Bangladesh, por askush nuk më dëgjonte. Kam vuajtur shumë në burg, ndërsa kot kam kërkuar ndihmë. Askush nuk vinte të më shpëtonte. Unë ende nuk e kuptoj se pse u mbajta aq gjatë. Më në fund jam me familjen time dhe ndihem shumë mirë”, ka thënë Sarkar për BBC.
Vëllai i tij më i ri, Juthas Uddin, tha se nënës e tyre i ra të fikët kur e ka parë djalin e saj.
"Ishte një skenë prekëse. Moslemuddini qante me orë të tëra”, tha Juthas. /Telegrafi/
